Apple-ը լուծել է ճկվող iPhone 6 Plus-ի խնդիրը

Macdigger-ի տեղեկացմամբ` Apple ընկերությունը փոփոխություններ է կատարել iPhone 6 Plus հեռախոսի կառուցվածքում, այն դարձնելով ավելի ամուր: Doctorkuddles կեղծանունով օգտատերը նշել է, որ այս շաբաթ նա գնել է նոր iPhone 6 Plus: Նրա կինը նույնպես ունի iPhone 6 Plus 16 GB հիշողությամբ հեռախոսը, որը գնվել է սեպտեմբերի 20-ին: Արտաքինից հեռախոսները ամբողջովին նույնն են եւ տարբերվում են միայն քաշով: Նոր 128 GB հիշողությամբ հեռախոսը 21 գրամով ավելի ծանր է քան 16 GB-ը:

Doctorkuddles-ը մանրամասն ուսումնասիրել է հեռախոսները: Նա նկատել է, որ հեռախոսներին հարվածելից տարբեր ձայներ են գալիս: Նոր iPhone 6 Plus-ից ավելի խուլ ձայն է գալիս: Ամերիկացին չի կոտրել հեռախոսները, նա մանրադիտակով փորձել է ուսումնասիրել հեռախոսի ձայնի բարձրությունը կարգավորող կոճակը: Հեռախոսի ամենաթույլ մասում նա նկատել է կարմիր գույնի մասնիկ: Հին iPhone 6 Plus-ի վրա այդպիսի մասնիկ չկա:

Օգտատերը ենթադրում է, որ iPhone 6 Plus-ի վաճառքը սկսելուց որոշ ժամանակ անց Apple-ը փոխել է հեռախոսի կառուցվածքը, որպեսզի այն դարձնի ավելի դիմացկուն: iFixit կայքի մասնագետը հաստատել է Doctorkuddles-ի խոսքերը. նոր iPhone 6 Plus-երը ավելի ծանր են, քան նախորդները:

iPhone-ները չեն ենթարկվել Վլադիմիր Պուտինին

MacDigger-ի փոխանցմամբ՝ բազմաթիվ օգտատերեր դժգոհում են, որ իրենց ենթադրյալ «խելացի» սարքերը այդքան էլ խելացի չեն եւ ժամը ամառայինից ձմեռայինի չեն փոխել: Դա տեղի է ունել iOS 7-ով եւ iOS 6-ով աշխատող iPhone-ների, մի քանի Android հեռախոսների ու համակարգիչների հետ:

Կիրակի օրը, ինչպես ենթադրվում էր, «խնձորային» հեռախոսների մի շարք օգտատերերի անակնկալ էր սպասվում: iPhone-ները, չնայած ընդունված օրենքին, չեն անցել «ձմեռային» ժամանակի: Դեռ հուլիս ամսին Ռուսաստանի նախագահ Վլադիմիր Պուտինը հրամանագիր էր ստորագրել ձմեռային ժամանակի անցնելու մասին. հոկտեմբերի 26-ին Ռուսաստանի ժամը 1 ժամով հետ է գնացել եւ այլեւս չի փոխվելու:

Որոշ սարքեր, համենայն դեպս, ժամերը փոխել են ձմեռայինի: Սակայն դա արել են միայն այն սարքերը, որոնց օպերացիոն համակարգերը վերջերս թարմացել են: Խնդիրներ չեն եղել OS X Yosemite, OS X Mavericks ինչպես նաեւ iOS 7.1, iOS 8.0 и iOS 8.1-ով աշխատող սարքերի օգտատերերի մոտ: Ավելի հին օպերացիոն համակարգերով աշխատող սարքերը ժամերը չեն փոխել: