54 տարի առաջ ծնվեց մի երեխա: Նրա ծնողները
չէին էլ կարող պատկերացնել, որ մի քանի տարի անց իրենց երեխայի մասին կխոսի ամբողջ
աշխարհը: Նրանք չէին էլ կարող պատկերացնել, որ իրենց տղայի 54-ամյակին նրանք ոչ թե
ընտանյոք հավաքված կնշեին, այլ կայցելեին նրա գերեզմանին:
Մայքլ Ջեքսոնը իր երաժշտական գործունեությունը
սկսել է շատ վաղ տարիքում: 5 տարեկան հասակում նա ընդգրկվեց հայտնի «Jackson 5» ընտանեկան
խմբի մեջ, որտեղ ելույթ էին ունենում իր ավագ եղբայրները: Խմբի ղեկավար էր ժոզեֆ Ջեքսոնը՝
Մայքլ Ջեքսոնի հայրը: Ջեքսոնը այդ խմբի միջոցով հայտի դարձավ: Նրա ձայնը շատ եզակի
էր իր տարիքի համար:
Մի քանի տարի խմբում հանդես գալուց, եւ արդեն
չափահաս մարդ դառնալուց հետո Մայքլը որոշում է թողնել խումբը եւ զբաղվել անհատական
գործունեությամբ: Նա իրար հետեւից թողարկում է մի շարք ձայնասկավառակներ, որոնք ցնցում
են ամբողջ աշխարհը, վաճառվում միլիոնավոր օրինակներով, զբաղեցնում երաժշտական աղյուսակների
առաջին հորիզոնականները:
Բայց Մայքլը չի սահմանափակվում միայն ձայնասկավառակ
թողարկելով: Նա՝ սկսած «BAD» ձայնասկավառակից մինչեւ «History» իր ձայնասկավառակին
զուգահեռ կազմակերպում է համաշխարհային համերգային շրջագայություններ՝ ցնցելով իր երկրպագումներին
իր պարով, ձայնով, բեմական կոստյումներով ու շոուով: Նշեմ, որ այդ համերգային շրջագայությունների
ամբողջ հասույթը նա օգտագործում էր բարեգործության համար: Նա ունեցավ երեք համերգային
շրջագայություն. «Bad», «Dangerous», «History»: Ամեն շրջագայության ժամանակ նա հանդես
եկավ նորովի՝ նոր երգերով, նոր կոստյումներով ու նոր պարով:
Ջեքսոնը բացի իր աստղային կյանքից ունեցել
է ընտանեկան կյանք: Նա երկու անգամ ամուսնացել է եւ ունեցել 3 երեխա: Առաջին անգամ
ամուսնացել է Rock & Roll-ի արքա Էլվիս Փրեսլիի դուստր Լիզա Մարիա Փրեսլիի հետ:
Սակայն համատեղ կյանքը չի ստացվում եւ մի քանի տարի անց նրանք բաժանվում են: Հետագայում
նա ամուսնանում է իրեն բուժող բուժքույրի՝ Դեբի Ռոուի հետ, որից ունենում է երկու երեխա.
մեկ տղա եւ մեկ աղջիկ: Սակայն նրանք էլ են շուտով բաժանվում եւ երեխաները մնում են
Ջեքսոնի մոտ: Երրորդ երեխայի ծագումը հայտնի չէ: Ըստ տարածված լուրերի նա ծնվել է արհեստական
բեղմնավորման միջոցով, ինչ-որ անհայտ կնոջից:
Ջեքսոնը 2001 թվականի համերգներից հետո որոշում
է գնալ հանգստի: Եվ
մոտավորապես 10 տարի մնում է ստվերում՝ վարելով ընտանեկան կյանք:
2009 թվականին նա հայտարարում է իր վերադարձի մասին եւ խոստանում 50 համերգ: Սկսվում
են փորձեր, դժվար աշխատանք, նոր բեմ, նոր կոստյումներ են կարվում, քասթինգ եւ այլն
եւ այլն: Սակայն գալիս է չարաբաստիկ հունիսի 25-ը: Այդ օրը Ջեքսոնը անքնության եւ ցավերի
պատճառով ընդունում է անթույլատրելի քանակով ցավազրկող դեղամիջոցներ, որից էլ ժամեր
անց մահանում է ցնցելով ամբողջ աշխարհը:
Եվ այսպես մի կարճ պատմությամբ ներկայացրեցի
մի մեծ մարդու կյանքը: Քանի որ այսօր նրա ծննդյան օրն է, չեմ ցանականում խոսել այն
բացասական բաների մասին, որոնք շրջանառվում են մամուլով: Ուղղակի ցանկանում եմ շնորհավորել
նրա ծննդյան օրը: Շնորհավոր Մայքլ Ջեքսոն:
