Համարժեք եւ դեռ մի բան էլ ավելի պատասխանը եղել է

Պաշտպանության բանակի տվյալներով` անցած շաբաթվա ընթացքում Ադրբեջանը ղարաբաղա-ադրբեջանական զորքերի շփման գծում ունեցել է 14 զոհ եւ 20 վիրավոր: Միայն կարելի է ենթադրել, թե եթե այս թվին գումարենք Հայաստանի հետ սահմանին ունեցած զոհերի, ինչպես նաեւ նախորդ երկու շաբաթների զոհերի քանակը ինչ մեծ թիվ կկազմի:

Համաձայն ԼՂՀ պաշտպանության բանակի եւ ՀՀ պաշտպանության նախարարության հունվարի 2-ից հետո տարածած հաղորդագրությունների այս տարի հայկական կողմը ունեցել է 12 զոհ: Միայն այս համեմատությունը ապացուցում է, որ մերոնք համարժեք եւ դեռ մի բան էլ ավելի պատասխան տվել են:

Վերջին շրջանում սոցցանցերում շատ հաճախ կարելի էր հանդիպել գրառումների կամ մեկնաբանությունների, որոնցով օգտատերերը իրենց կասկածներն էին հայտնում համարժեք պատասխանի առկայության մասին: Նրանք դժգոհում էին, թե Հայաստանի պաշտոնյաները միայն խոսում են համարժեք եւ դեռ մի բան էլ ավելի պատասխանի մասին, բայց իրականում ոչինչ չեն անում:

Կա մի հանգամանք, որը ոչ բոլորն են հաշվի առնում: Ի տարբերություն Հայաստանի, Ադրբեջանում կա նախագահի «Հայաստանի Հանրապետության և Ադրբեջանի Հանրապետության զորքերի շփման գծում անվտանգության մի շարք կանոնների վերաբերյալ» հրամանագիրը, որով կասեցվել է սեփական զինուժին վերաբերող ցանկացած բացասական, առավել ևս` շփման գծում ձախողումներին վերաբերող տեղեկատվության հրապարակումը:

Իսկ Հայաստանում լրատվամիջոցները այդ առումով ազատ են: Հետեւելով մեր լրահոսին կարող ենք իմանալ, թե ինչ է կատարվում սահմանին եւ քանի զոհ ու քանի վիրավոր ունենք: Բացի նրանից, որ ՀՀ ՊՆ-ն եւ ԼՂՀ ՊԲ-ն ամեն օր հաղորդագրություններ են տարածում սահմանում տիրող իրավիճակի մասին, լրագրողները կարողանում են սեփական հետաքննությունների եւ սահմանամերձ գյուղեր այցելությունների միջոցով պարզել իրականությունը:

Ադրբեջանում նույնպես եղան այդպիսի հետաքննություններ: Մասնավորապես անցած տարվա օգոստոսյան դեպքերի ժամանակ, երբ Ադրբեջանում գերության մեջ հայտնվեց եւ հետագայում խոշտանգումների արդյունքում մահացավ Տավուշի մարզի, Չինարի գյուղի բնակիչ Կարեն Պետրոսյանը, «Ազատություն» ռադիոկայանի ադրբեջանական ծառայության նկարահանող խումբը, գնաց այն գյուղը, որտեղ հայտնվել էր Պետրոսյանը, խոսեց գյուղի բնակիչների հետ եւ փորձեց պարզել իրականությունը:

Բոլորս տեսանք, թե դրանից հետո ինչ կատարվեց «Ազատություն» ռադիոկայանի ադրբեջանական ծառայության հետ: Թղթակիցներից մեկին ձերբակալեցին, ծառայության գրասենյակը փակեցին, մնացած աշխատակիցներին էլ անընդհատ հարցաքննում ինչ-որ անհասկանալի մեղադրանք առաջադրելով ռադիոկայանին:

Այդ իսկ պատճառով ադրբեջանական լրատվամիջոցները զգուշանում են իրենց բանակի ձախողումների մասին ինֆորմացիա հրապարակելուց, քանի որ կարող են արժանանալ «Ազատություն» ռադիոկայանի ճակատագրին: Իսկ Հայաստանում նման բան չկա:

Այս ամենից կարելի է անել մի ենթադրություն. եթե կա ինֆորմացիայի պակաս, դա դեռ չի նշանակում, որ ինչ-որ բան չի եղել:

Facebook-ը վտանգավո՞ր է առողջության համար

Դուք դա կարող եք անել հերթի մեջ, մեքենայով կարմիր լույսի տակ կանգնած կամ նույնիսկ զրույցի ընթացքում: Մարկ Ցուկերբերգի գնահատմամբ՝ ցանկացած մարդ ամեն օր 40 րոպե է ծախսում դրա վրա: Հաղորդում է Foxnews.com-ը:

Դա Facebook-ն է: Հետազոտությունը ցույց է տալիս, որ համատարած ձգտումը տեսնելու, թե ինչ է հրապարակվել Facebook-ում այն պահից հետո, երբ դուք դուրս եք եկել կայքից` կարող է կտրել Ձեզ քնից, անձնական հարաբերություններից եւ վնասել առողջությունը:

Facebook օգտագործելը կարող է անվնաս սովորություն թվալ, սակայն որոշ հետազոտություններ ցույց են տալիս, որ դա կարող է վտանգավոր լինել առողջության համար:

Pew Resarch կենտրոնի համացանցի ծրագրի տվյալների համաձայն՝ չափահասների 73%-ը օգտագործում են սոցիալական ցանցերը, որոնց մեջ առաջին տեղն է զբաղեցնում Facebook-ը: Սոցիալական ցանցերով ամենաշատը զբաղվում են Facebook-ի օգտատերերը: Նրանցից 40%-ը իրենց էջերը օրական մի քանի անգամ ստուգում են:

Facebook-ի հետեւանքները

Դուք կարող է չմտածեք, որ որեւէ գրառում կամ տեղադրված նկար կարող է ազդեցություն ունենալ Ձեզ վրա, բայց հետազոտությունը ցույց է տալիս, որ այս բարորակ թվացող գործողությունները կարող են վատ ազդեցություն ունենալ Ձեր առողջության եւ բարեկեցության վրա:

Անկախ տարիքից սոցիալական ցանցերով տարվելը կարող է Ձեզ ավելի մտահոգ դարձնել: Մի շարք հետազոտություններ ցույց են տալիս, որ Facebook-ը ավելացնում է անհանգստությունը այն ժամանակ, երբ Դուք սկսում եք Ձեր կյանքը համեմատել Ձեր Facebook-ի ընկերների կյանքերի հետ կամ երբ Դուք չեք ստուգել Ձեր ծանուցումները, որոշ ժամանակ:

Նույնիսկ, երբ դուք գիշերը պառկում եք քնելու, սոցիալական ցանցերի օգտագործումը կարող է ազդել Ձեր առողջության վրա: 6000 բրիտանացիների միջեւ անցկացված հարցումները ցույց են տվել, որ չափահաս մարդիկ ամեն գիշեր մոտավորապես 16 րոպե են ծախսում սոցիալական ցանցերում, կրճատելով քնի տեւողությունը: Քնի պակասը կարող է բարձրացնել դեպրեսիայի,անհանգստության, գիրության, սրտի կաթվածի եւ մահվան վտանգը:

Բայց Facebook-ն իր դրական կողմերն էլ ունի: Շատ մարդիկ, որոնք օգտագործում են այդ սոցիալական կայքը առողջական խնդիրները հաղթահարելու եւ նմանատիպ խնդիրներ ունեցող մարդկանց հետ կապվելու համար: Այս կապերը կարող էին հնարավոր չլինել, եթե անծանոթների հետ շփումը այսքան չհեշտանար: Բացի այդ մարդիկ, ովքեր Facebook-ում ազնիվ են ներկայանում կարող են երջանկություն զգալ, քանի որ նրանք քաղում են իրենց ընկերների աջակցության պտուղները համացանցում:

8 տարի առաջ այս օրը աշխարհին ներկայացվեց առաջին iPhone-ը (տեսանյութ եւ ֆոտոշարք)

iPhones.ru-ի հեղինակ Նատալյա Չեսնովան գրում է. Արդեն  8 տարի է անցել այն պահից, երբ Սթիվ Ջոբսը բարձրացավ բեմ եւ մի սարքի մեջ իրար միացրեց iPod-ը, հեռախոսը եւ կապի միջոցը: Նա ծաղրեց փոքր տառերով անհարմար ստեղնաշարները, որոնք այդ ժամանակ տեղադրվում էին խելախոսների (smartphone) վրա, սենսորային էկրանի գրիչները անվանեց անիմաստ փայտիկներ եւ պատմեց, թե ինչու էր Apple-ի արտադրած նոր հեռախոսի վրա անհրաժեշտ զարգացած օպերացիոն համակարգ: Այն ժամանակ մենք դեռ չէինք հասկանում, որ հետեւում ենք պատմական իրադարձության, որի անունն է «iPhone»:

Երեք հեղափոխական ծրագրեր. լայնէկրան iPod սենսորային կառավարման համակարգով, հեղափոխական հեռախոս եւ նոր սարք համացանց մտնելու համար: Այդ ամենը միավորել էին տալով նոր անուն. iPhone:

Սթիվ Ջոբսը 2009 հունվարի 9-ին iPhone-ի թողարկումը համեմատեց 1984 թվականին թողարկված Macintosh-ի հետ, որը գլխիվայր շրջեց համակարգչային աշխարհը եւ iPod փլեյերի հետ, որը 2001 թվականին է թողարկվել եւ հնարավորություն է տալիս ջինսե տաբատի հետեւի գրպանում տեղավորվում է 100.000 երգ: Ջոբսը ինչպես միշտ ճիշտ էր: Ջոբսը զգում էր ժամանակի քամին եւ հետեւում էր դրան:

Առաջին iPhone-ի շնորհանդեսը՝ տեսանյութում

Առաջին iPhone-ը՝ ֆոտոշարքով

Microsoft-ը ներկայացրել է «ինտերնետի համար նախատեսված ամենաէժան հեռախոսը» առանց Wi-Fi-ի եւ 3G-ի (տեսանյութ)

Microsoft ընկերությունը ներկայացրել է ինտերնետ մուտք գործելու համար ամենամատչելի հեռախոսը: Nokia 215-ը գնահատվում է ընդամենը 29$ եւ վաճառքի կհանվի 2015 թվականի սկզբում:

Macdigger.ru-ի տեղեկացմամբ՝ նորույթը համալրվել է 2.5 դյույմանոց էկրան 320x240 չափսով, 0.3 մեգապիքսել հզորությամբ տեսախցիկ եւ Bluetooth 3.0: Ամբողջական լիցքավորելուց հետո սարքը բավականին երկար կարելի է օգտագործել: Այն նաեւ ունի երկու SIM քարտերի օգտագործման հնարավորություն, FM ռադիո եւ լապտեր:

Nokia 215-ում նախօրոք տեղադրվել է Opera Mini, Twitter, Facebook եւ Messenger ծրագրերը, ինչպես նաեւ Bing որոնողական համակարգը: Սակայն հեռախոսը չունի Wi-Fi եւ, նույնիսկ, երրորդ սերնդի ցանցին միանալու հնարավորություն: Ինտերնետ մուտք գործելը հնարավոր է միայն EDGE անլար համակարգի օգնությամբ:

Հեռախոսի չափսերն են 116x50x12.9 մմ, քաշը՝ 78.4 գրամ: Հեռախոսում օգտագործվում է բավականին հզոր մարտկոց, որը սպասման ռեժիմում կարող է դիմանալ 29 օր եւ 20 ժամ խոսելիս: