Հեծանվամարաթոն՝ Երեւանի Ֆիզիկայի Ինստիտուտին օգնելու համար

Մայիսի 24-ից սկսած 7 օրվա ընթացքում հեծանվորդների խումբը կանցնի շուրջ 400 կմ,  Երևան-Ապարան-Գյումրի-Վանաձոր-Իջևան-Դիլիջան-Սևան-Երևան երթուղով:

Մայիսի 24-30-ը Հայաստանում տեղի կունենա «Bike-a-thons» 15-րդ հեծանվարշավը, որն այս տարի կրում է «Տպավորիչ ուղղություն Հայաստանով» անվանումը: 

Հեծանվարշավը կազմակերպել են Հույսով լի Հայաստանի Համար Հեծանվարշավախումբը և Հայաստանի Հեծանվավազքի Խմբի և Հայաստանի Տիեզերական Ճառագայթների Բաժանմունքին Աջակցող Հանձնաժողովը:

Հեծանվամարաթոնի կազմակերպիչ, Անահիտ Երեմյանը մեզ հետ զրույցում նշեց, որ, իրենց նպատակը Ֆիզիկայի ինստիտուտի վրա ուշադրություն գրավելն է. 

«Մարդիկ տեսնում են, հետաքրքրվում են, իրենց ընկերներին են հրավիրում եւ հաճախ միանում են մեզ: Տիեզերական ճառագայթների բաժանմունքի երիտասարդները նույնպես շատ ոգեւորված են այս միջոցառումով: Նրանք էլ են ամսի 24-ից մեզ միանալու»:

«ԱՄՆ-ում գործող ձեռնարկատերերը, գործարարները  տարեկան 50.000 ԱՄՆ դոլար են փոխանցում Երևանի Ֆիզիկային Ինստիտուտին: Այդ գումարը ծախսվում է նորագույն տեխնիկա գնելու համար»,- այս մասին Mynews.am-ի հետ զրույցում ասաց ինստիտուտի տնօրեն Աշոտ Չիլինգարյանը:

Պարոն Չիլինգարյանը այս հանգամանքը կապում է Հայաստանի Տիեզերական Ճառագայթների Բաժանմունքին Աջակցող Հանձնաժողովի կատարած աշխատանքի հետ: «Նրանք Ամերիկայում համերգներ են կազմակերպում, հանգանակություններ են կատարում եւ մեծ գումարներ է հավաքվում: Իսկ գնված տեխնիկան էլ իրենց հետ բերում են Հայաստան»:

Բացի ԱՄՆ-ում իրականացված միջոցառումներից Հույսով լի Հայաստանի Համար Հեծանվարշավախումբը, Հայաստանի Հեծանվավազքի Խմբի և Հայաստանի Տիեզերական Ճառագայթների Բաժանմունքին Աջակցող Հանձնաժողովի հետ համատեղ արդեն չորրորդ անգամ Հայաստանում կազմակերպում է հեծանվամարաթոն: 

Հայաստանի հեծանվային սպորտի հրչակավոր մարզիչ Ալբերտ Սոլոյանը, ով արդեն երեք տարի է ղեկավարում է արշավը մեզ հետ զրույցում ասաց, որ նմանատիպ միջոցառումները մեծ արդյունքներ են ունենում իրենց սաների համար: «Նրանք օրեկան 60-70 կիլոմետր տարածք են անցնում, դա լավագույն միջոցն է մարզվելու համար»:

Միջոցառման մանրամասների հետ կարող եք ծանոթանալ այստեղ:

Եվրոպայի օրը կնշվի Գյումրիում և Երևանում

Պատկերացրեք, դուք կարող եք մուտք գործել Հայաստանում Եվորպական միության երկրները ներկայացնող յուրաքանչյուր դեսպանատուն՝ ծանոթանալ դեսպանատան գործունեությանը, անձամբ հանդիպել դեսպաններին և անմիջականորեն ստանալ հետաքրքրող հարցերի պատասխանները, զրուցել աշխատակիցների հետ:

Այս հնարավորությունը շուտով կընձեռվի ձեզ. Հայաստանում ԵՄ անդամ պետությունների դեսպանատներում, Եվրոպայի առթիվ կազմակերպված տեղեկատվական շաբաթի շրջանակներում՝ մայիսի 19-23-ը, տեղի կունենա բաց դռների օր:

2010 թվականից սկսած ամեն տարի Հայաստանում անցկացվող եվրոպայի օրվան նվիրված տեղեկատվական շաբաթը բոլոր հետաքրքրվածներին թույլ է տալիս դիտել տեղեկատվական ցուցահանդեսներ, ֆիլմեր, մասնակցել մշակութային միջոցառումների, խաղ-մրցույթներ և այլն:

Այս տարի տեղեկատվական շաբաթը կանցկացվի մայիսի 17-ից 24-ն ընկած ժամանակահատվածում: Միջոցառումները կմեկնարկեն Գյումրիում մայիսի 17-ին և կամփոփվեն Երևանում՝ մայիսի 24-ին անցկացվող տեղեկատվական ցուցահանդեսով և համերգով:

Միջոցառումների ծրագրին կարող եք ծանոթանալ այստեղ:

Եվրոպայի օրվա պատմություն

1950թ. մայիսի 9-ին Ռոբերտ Շումանը ներկայացրեց կազմակերպված Եվրոպայի կառուցման իր տեսլականը, որն անհրաժեշտ էր խաղաղ փոխհարաբերությունների և զարգացման համար: Այսօր մայիսի 9-ը վերածվել է Եվրոպայի խորհրդանիշի (Եվրոպայի օր), որը դրոշի, զինանշանի, նշանաբանի և միասնական արժույթի (եվրո) հետ միասին, արտահայտում է Եվրոպական միության քաղաքական ինքնությունը: Եվրոպայի օրը մի շարք միջոցառումների և տոնակատարությունների առիթ է, որը նպաստում է Եվրոպայի հասանելիությանը, ինչպես իր, այնպես էլ հարևան պետությունների քաղաքացիների համար:Եվրոպայի օրվա մասին հավելյալ տեղեկությունների համար այցելեք ԵՄ պաշտոնական կայք:

Եվրոպայի օրը Հայաստանում նշվում է 2010 թվականից: 2013 թվականին Հայաստանում տոնական միջոցառումներ են տեղի ունեցել Երևանում և Գյումրիում մայիսի 25-ին, նախորդող և հաջորդող օրերին: ԵՄ պատվիրակությունը Հյուսիսային պողոտայում կազմակերպել էր ԵՄ աջակցությամբ իրականացվող ծրագրերի տեղեկատվական ցուցահանդես և մշակութային միջոցառումներ: Քաղաքի կենտրոնում անցկացվում էին նաև եվրոպական մշակույթը ներկայացնող պարի վարպետության դասեր, մրցույթներ և խաղեր:

Քոչար փողոցի վրա կոտրված ծառը չեն հեռացնում

Մի քանի օր առաջ տեղի ունեցած ուժեղ քամիների արդյունքում Հրաչյա Քոչար փողոցի սկզբնամասում մի ծառ է կոտրվել (նկարում): Արդեն քանի օր է այն կիսակոտրված վիճակում կախված է և կա լուրջ վտանգ, որ հերթական ուժեղ քամիների ժամանակ ծառը կարող է ընկնել մարդկանց վրա:

Իսկ ո՞ւր են պատկան մարմինները:

Այսօրվա ցույցի մասնակիցների մեջ քաղաքացիական հագուստով ոստիկաններ կան

Ազգային ժողովի դիմաց այսօր տեղի ունեցող բողոքի ցույցի ժամանակ ականատես եղա մի այսպիսի դեպքի:

Մի կին մեր կողքը կանգնած ոստիկանության փոխգնդապետին հարցրեց, թե «ինչքա՞ն է քո աշխատավարձը»: Ոստիկանը չպատասխանեց:

Կնոջ հեռանալուց հետո ոստիկանության փոխգնդապետը շրջվեց և դիմեց իր կողքը կանգնած քաղաքացիական հագուստով տղամարդուն: «Ես ֆորմով եմ, չեմ կարա պատասխանեմ: Դու էսօր գրաժդանսկի էս, դու պատասխանի»,- այս պահանջին ի պատասխան քաղաքացիական հագուստով մարդը և փոխգնդապետը ծիծաղեցին:

Ընդհանուր առմամբ ցույց վայրում այնքան ոստիկան կար, որ ամեն ցուցարարի 5 հոգի կհասներ: Այդ հանգամանքը հաշվի առնելով, որոշ «բարեխիղճ» ոստիկաններ մի կողմ էին քաշվել և շրջափակման մեջ չէին դնում քաղաքացիներին:

Դա տեսնելով` Երևանի փոխոստիկանապետ Վալերի Օսիպյանը սկսեց բարկանալ և գորգոռալ, թե «արա խի եք փախել պախկվել: Հլը թափով սաղդ արեք ստե, շարք կանգնեք: Էս ի՞նչ ա չեմ հասկանում»,- ոստիկանին (այն էլ Երևանի փոխոստիկանապետին) ոչ հարիր ձևով գնդապետ Օսիպյանը իր մոտ կանչեց ոստիկաններին:

Սույն հոդվածս տեղ է գտել նաեւ Aravot.am, Blognews.am, Blog.mediamall.am, Hayeli.am, Asekose.am, Newsbox.am կայքերում: